Kumpulan Peribahasa Nias (Amaedola Li Nono Niha)

Amaedola Li Nono Niha - merupakan peribahasa yang berasal dari daerah pulau Nias. Amaedola termasuk salah satu warisan budaya nenek moyang (ondröita zatua meföna) yang masih dilestarikan hingga kini.

Amaedola sebagai simbol ciri khas daerah Nias selalu dijadikan sebagai panutan dalam setiap tindakan masyarakat suku Nias (ono niha). Amaedola dirangkai dalam bentuk kata-kata yang mengandung makna tertentu dengan mengumpamakannya dalam bentuk benda-benda, tumbuhan, hewan, dan berbagai bentuk serta wujud makhluk hidup lainnya.

Sepintas, kalimat amaedola bahasa Nias kedengarannya halus dan tidak terlalu menyakiti karena disusun dengan mengikuti pola tertentu layaknya sebuah pantun.

Akan tetapi bila kita terlusuri lebih jauh, kata-kata yang disusun dalam amaedola sungguh mengandung makna yang begitu mendalam sebagai pengingat, nasehat, panutan, dan motivasi yang bisa digunakan dalam kehidupan sehari-hari.

Amaedola cocok digunakan dalam berbagai tempat dan situasi seperti di lingkungan pekerjaan, pergelaran acara adat istiadat, acara pernikahan, acara duka, penyelesaian sengketa/perselisihan, dalam kegiatan sosial masyarakat, pemerintahan ataupun agama.

Langsung saja, berikut kumpulan peribahasa Nias atau amaedola li nono niha dari daerah pulau Nias.

Peribahasa Nias yang digunakan untuk umum

1. Amada ere zasai amada ere wofo tao'ere-erei dania zi lö'ö ta bagi-bagi zi no so
   Eluahania: amaedola wa hasara dödö ba zumange zi no so


2. Amonita ba mbasitö amonita ba wakhe, böi tötöi zagabe'e mofönu zibaya wakhe
   Eluahania: fehede ni angenanöi


3. Andrö alua gowasa andrö lambo, meno hasara dödöra ndramatua ndra'alawe
   Eluahania: nahasara dödö ba a'ozu gohitö


4. Aoha mba'u muzawili abua mba'u na owulo
   Eluahania: fangera-ngera fa orudu dalifusö


5. Aoha noro nilului wahea aoha noro nilului waoso, alisi tafadaya-daya hulu tafaewolo-wolo, ta faföfö na anau ta fahea na esolo
   Eluahania: fahasara dödö


6. Baewa dete'ahe ö'ewa ba aetu dete gaheu, lö ö'ewa ba ahulua
   Eluahania: amaedola niha sifasalatö


7. Baru fadoro saraewa, ikhu fadoro angango
   Eluahania: amaedola halöwö ni'osamuzaigö


8. Belu gia belu nakhe, akha sa'ae öbe'e atagedo wombase
   Eluahania: be'elö sara fame'e


9. Bulu mbala hili bulu mbala ndraso, bali-bali ba lelau he zafeto he zami
   Eluahania: amaedola wehede fangenanö


10. Böi döni mbulu nakhe ba niha sato


11. Böi fahoi gambala ba böi fahoi dufo wa oroma bakha dölagu wa'angao
    Eluahania: amaedola wangide-ngide'ö


12. Böi faigi zökha ba hea-hea, faigi zökha ba dalu gatua
    Eluahania: mene-mene ba niha sa mali'ö horö ba zinoso


13. Böi fanila lewuö, ö hundragö dambai, ö fanila adulo
    Eluahania: amaedola niha sebua dödö zambuana


14. Böi susuko wulawa tanömö golowingö
    Eluahania: böi ta'alui danömö halöwöda


15. Böi tabadu duo ba wehasu-hasu
    Eluahania: amaedola wangera-ngera nihaogö fo angeraigö


16. Böi tafufu mbuwuda ndrege zi ma'ökhö,so wombase'ö za hou-hou
    Eluahania: amaedola niha sa mologö tödönia


17. Böi tika mboto lala mba'e
    Eluahania: si lö muwa'ö böi ta oroi yaita wanguma'ö fa böi monönö wo'ömöda


18. Böi tobali bu'u haga famao nasu
    Eluahania: mene-mene ena'ö ifabörö zisökhi


19. Elungu dome si lö manofu farua lala
    Eluahania: amaedola niha si lö manofu li


20. Esolo geu ba ebua waha-waha, ba ise-ise geu ba ide-ide waha-waha
    Eluahania: amaedola ba mbe'elö ebua tabe'e ba ebua tatema, ide-ide tabe'e ba ide-ide tatema


21. Ezai sigaru zalu ba gahe mbanua, teu-teu awu aekhu tou
    Eluahania: amaedola ba mbe'elö nifosöfu


22. Fa'aekhu ba zinunga fa'aekhu ba nakhe, faigi gotalua duhe fa lö mate
    Eluahania: niha sangenanö


23. Fabali ira laidö maduahö ha börö gadulo lawoha
    Eluahania: niha so angeraigö fa'auri nia samösa ba lö i'angeraigö wa'auri zato


24. Fadoli fa lö alulu, fo'alulua fa lö aetu
    Eluahania: fehede sabe'e ba so wangomasi'ö


25. Fao mbidölö fao mbiko fao wa'abö'a gi'o
    Eluahania: niha so okhöta ba so nekhe


26. Fesu mbawi oholu, fesu niha taromali
    Eluahania: amaedola wa zazita si lö tola lö'ö tefalua ba zino so angaetula li


27. Fönö dalu nowi si no numalö ba hinölu ba lö mangawuli ba dalu nowi
    Eluahania: amaedola wo'ömö si no mube'e ba lö tafuli ta bu'a


28. Gaolo-gaolo tambalou so möi yawa so möi tou
    Eluahania: niha tebai la'ukurai ba wa'auri


29. Gaolo-gaolo wadati, so möi yawa so möi tou
    Eluahania: niha tebai la'ukurai ba wa'auri


30. Hadia tenga idanö saösö abakha, alitö salio muhola
    Na idanö saösö abakha, alitö salio muhola, fino salimbuanö ma ngawuli ba hogu
    Eluahania: amaedola anofula dome ba zumange


31. Hadia tenga landröta mbörö ndroi, sagörö mbulu ba sagörö göi ndroi
    Eluahania: amuata wehede ba wanofu sumange


32. Hagö wanguma'ö hagö mamene ba zino to höna ere
    Eluahania: amaedola ba wangandrö be'elö ma böwö


33. Halö khöu sihahalö na ö'ila öhalö, za usö mo'uli mbowo doro ia si dodoro na ö'ila ö'doro za usö mo'uli dalö
    Eluahania: fehede famarou dödö


34. Hasara gorö ba ilau ö'mbawi dai
    Eluahania: niha si hoga-hogafö


35. Hede-hede ba zabösi ao'ao ba zafiso ya'alakha na irongo
    Eluahania: amaedola niha si lö mame ba dödönia zi sökhi


36. He no enau zusua he no ebua noyo, so zu'a-su'a sinaraewe so zu'a-su'a sinandro
    Eluahania: amaedola ngarö-ngarö dödö ba mbe'elö


37. Hezo danö so ita da'ö dania dufoda, banua zi so yawada da'ö dania gambalada
    Eluahania: amaedola wehede fangandrö fa'ebolo dödö ba zumange


38. Hulö alau nago tefuru gahe
    Eluahania: amaedola si lö mangenanö


39. Hulö dai ba dalu ndriwa ambö mbawa mba'usi, moroi tou ba ambö mbawa nasu moroi yomo
    Eluahania: amaedola niha sifasalatö fa'auri


40. Hulö fa mbambatö galitö hulö famatua mbalö ndrögö, alawa mbongi fa mbambö alawa luo fa ndrö-ndröu manö
    Eluahania: amaedola möli-möli ba zi fa mbambatö


41. Hulö fa tuko bawa zangasio faoma ma mela-mela
    Eluahania: amaedola mbe'elö si faoma fasumangeta sowatö ba tome


42. Hulö fazazi laria mane fahuku lawawö, afatö wa ha nawö aetu mbagi zaneu arö
    Eluahania: fazazita si lö tola lö'ö tefalua ba zi no so angetula


43. Hulö la'asioini gola lö falemba asio
    Eluahania: niha si lö ma monaha si sökhi


44. Hulö latiloi mbulu dalö ya'alokha na totane nidanö
    Eluahania: niha si lö manö mamo naha möli-möli zatua


45. Hulö malu daföfö'ö sambua ihalö ba isaitagö, hulö malu daföfögö sambua ihalö ba iföfö'ö
    Eluahania: amaedola niha si sökhi wo halöwö


46. Hulö mamarö ndraha danö khönia lölö ba khönia warö
    Eluahania: amuata niha solu'a-lu'a


47. Hulö mamini zawaoho, ibini'ö högö nia ba oroma-roma gi'o
    Eluahania: niha samaböbö yaia ba zi lö sökhi


48. Hulö mana nakhe zatöla toyo mbola
    Eluahania: niha si lö manema'ö sisökhi


49. Hulö maneu banio nono maru iwai salakha zi'iti bano möi fangaoha ba galisi
    Eluahania: niha si lö mangoguna'ö mene-mene si sökhi


50. Hulö mangezoi duha zangaröfa, ibözini yöu ba ibözini raya
    Eluahania: amaedola huhuo si lö mutendro'ö


51. Hulö mogata manu ndrawa, möi horö zogata-gata
    Eluahania: niha sanguma'ö fohalöwö khö nawö nia ba lafuli khönia wa ngohalöwö göigö


52. Hulö mo gogoto asu laowömaru tambai mbanio ba sara goli-goli geu
    Eluahania: amaedola gomusola dödö ba ba zitambai alua wa'abu dödö


53. Hulö mowua go'o no ifaöga
    Eluahania: niha sa siliawa ba niha


54. Hulö mowua la'izu duha, he lö bua ba mbörö ba ma sa dania so mbua ba hogu
    Eluahania: amaedola wangandrö faebolo dödö


55. Hulö mowua wakhe no ifatugu
    Eluahania: niha sangera-ngera ba so nekhe


56. Hulö wahö latoko högö awena i'a gönia
    Eluahania: niha si lö omasi la wa'ö zi sökhi


57. Hulö zani'oi tugala, döfa za zizi moroi ba zi tetaru
    Eluahania: amaedola za nema böwö


58. Kauko ba hili ta'uli ba ndraso , faolo ndra'ugö ba ufaolo göi ndra'o
    Eluahania: li ni fo'amaedola ena'ö sowahasara dödö ba halöwö nifalua


59. La'a-la'a akho itörö mbawa wato
    Eluahania: amaedola hadia niwa'öda lö tola lö tafalua


60. Lala ndraono mbagi nora, lala zatua zatöla dowa
    Eluahania: amaedola zulöma


61. Lewatö nilau betua alösö moroi baero ba töla zi mate bakha nösi
    Eluahania: niha salösö li ba ifakiko nawönia


62. Lewuö si lö mututu bu'u, ya'mangawuli khögu hanu-hanugu
    Eluahania: amaedola wehede nifazaumba lau na ya'ia ba lau na tenga


63. Lofo-lofo tuo na lö ösi ba zahulö wongi ma sa so nösi mahemolu mbanua
    Eluahania: amaedola wangandrö fa'ebolo dödö ba ginötö


64. Lökhö tö mbanua aukhu tö zino ta fa'ese wangehao
    Eluahania: amaedola halöwö si sökhi na mutohugö


65. Lösu igo'ö-go'ö ia uliho
    Eluahania: amuata niha


66. Mana duha yefo nasi ambö sa'atö falölöwa sina
    Eluahania: amaedola zangöhöna ba so wa'ambö sa'atö


67. Mana gadulo ba hele-hele fatiti sa'atö
    Eluahania: fa'a faehu gera-era ba böi tobali fandrö-ndröusa dalifusö


68. Mangawuli ba halama zoyo bu, mangawuli ba mbanua zi lö butu
    Eluahania: amaedola niha sangawuli lö okhöta


69. Mao zolu'a asu nibözi hulu
    Eluahania: amuata niha samalangögö awönia


70. Muzuna-zuna gelefu wa ngalui idanö sohahau
    Eluahania: fehede ni fo'amaedola ba wamakhai fambambatö


71. Mo'u-mo'u dete gara, lö auri ba lö mate
    Eluahania: amaedola niha lö auri ba lö mate


72. Na anau gambalada ba ta fadölö gaheda, ba na adogo-dogo gambalada ba ta kandro'ö gaheda
    Eluahania: fangandrö fa ebolo dödö ba zumange


73. Na ha sara li ha sambua zöndra, ta'olikhe gawöni ta'olae guli nasi
    Eluahania: fahasara dödö


74. Na lö sonekhe-nekhe sodoma na lö sehao-hao uwu duru, itörö narö danö afore isue dalu mbanua lauru wakhe
    Eluahania: na lö satua ma salawa ba mbanua ba tola la'o siwawöi niha bö'ö


75. Ni famözi mati'o ngalai wakhe mate gulö ba lö adudu ngalai wakhe


76. Ni fanöbi bu ba hamo lö adudu hamo ba lö göi aetu mbu
    Eluahania: niha so nekhe ba wangai angetula


77. Ni femanga harita ndrawa sambua ofetu sambua ana
    Eluahania: amaedola niha sanguma'ö mene-mene


78. Noa ae ba wanari noa ba wa naho, ha tö ba wa ma gaele atö so
    Eluahania: amaedola ba mbe'elö sambö


79. No mi fehede-hede lafau adu no mi fe'ao lafau luo, li ba zahulö wongi aekhu luo lö tegilo
    Eluahania: amaedola wa zazita sitefaudu ba ginötö si no wu wa'ö


80. No mi fola'a-la'a dötö hua, mi la'a döla hulu ba mi la'a mbute gafi
    Eluahania: amaedola wa nuno sumange ni be'e da ndrösa


81. No morigi-rigi mbu'alö hafatua awuyu laisö atua dania laleke'ö manö
    
    
82. Noro ngaukhu gawöni na hasara dödö wondröni tali muzawa hulö gafasi gawöni sesolo sibai
    Eluahania: fahasara dödö ba wohalöwö


83. Noro nga'ukhu gawöni noro nga'ukhu geo, ta faföfö na'anau tafahea na'esolo
    Eluahania: amaedola wahasara dödö wamalua hadia'ia


84. No öfo'awi-awi gafulu tanö, mbörö ba öfatuo hogu ö'fababa ya'ö khögu dalu
    Eluahania: amaedola huhuo si lö mufatunö ba mböröta


85. Olifu laosi ba lö olifu da ndrawa
    Eluahania: amaedola niha so ömö olifu ia gömönia ba sanugilö lö olifu


86. Ono geu sabila ono geu saondro, yamöi hasi zimate zi lö möi ba wa möbö
    Eluahania: niha ni tou'ö-tou (dibiarkan)


87. Ou-ou gara ya'alakha na mozawa
    Eluahania: amaedola ndraono si lö mamondrongo li zatua


88. Owöra wakhe sidarua momböi
    Eluahania: amaedola halöwö samösa zamobörö samösa zango'ozui ba lö te fatohu


89. Sambua mbanua sambua bua-bua, sara idanö sara ugu-ugu
    Eluahania: amaedola goi-goi hada ba zisambua mbanua


90. Sanondrö akhe ilu'i dondrö nia
    Eluahania: niha solau si lö sökhi


91. Sanöbi ue hezo zasöbi ba ta'ewa da'ö
    Eluahania: amaedola halöwö sa wai ba zima'ökhö da'ö ni falua


92. Sanörö idanö abasö sa'atö
    Eluahania: niha so halöwö he ha maifu ba manema


93. Sara yawa mbelu sara tou laosi, ta osakali'ö wa mözi ha sa kali wa'aetu mbagi
    Eluahania: amaedola wa ngai angetula


94. Sifasaule ba gasö hambo ba ta bönökhi ba gasö matua
    Eluahania: amaedola ba mbe'elö na so zambö


95. Siwa gahe ndriala ba ha sambua garutu
    Eluahania: amaedola halöwö si lö tolalö'ö so zangai angetula si tebai la wu'ai niha bö'ö


96. Sofanö ba gawu so fanö baene ta faoma fa balu lahe
    Eluahania: amaedola fangide-ngide'ö ena'ö faoma ta'omasi'ö nawöda


97. Sogao lösu-lösu ikhao naha högö nia
    Eluahania: niha si lö mo angenanöi ni fazökhi nia


98. So galawe sananö töwu, so nono matua imane he nakhi be'ögu zara khöu döwu, imane he ga'a böi fadanö'ö wangandrö töwu, so ga'agu ba zinga hinölu, fagölö gömi bago wa'aukhu faoma gömi betua wa'abötu
    Eluahania: amaedola huo-huo sifatandro


99. Solau banio ahono ba zalo'o tanö
    Eluahania: niha sangahaogö fo'angeraigö wangai angetula


100. Solau khögu talau khönia, solau khömö talau doho
     Eluahania: amaedola fangabe'e dödö ba halöwö fahasara dödö


101. Sole ba ewali niha, so telögu so terigawa
     Eluahania: niha tebai mutatugöi wa'auri


102. Solohi boroe fatambu nigohi ba fatambu zolohi
     Eluahania: amaedola niha si farakaro


103. So nowi ba na'ai sökhi atö mbua sökhi atö lai ta fatete ta fandrai
     Lö sökhi atö mbua lö sökhi atö lai ba tema ta bato sibai
     Eluahania: amaedola wa no hugö tanömö zi sökhi


104. Söfu zita ba mbutu mbawa so, zöfu tongo ba gogo so
     Eluahania: amaedola niha sangila goi-goi


105. Sökhi tö wanou'ö sökhi tö wa me, awai si mörö tou zi no mate
     Lösökhi tö wa me, solau tawuyu tou zi no mate
     Eluahania: fehede ni fo'amaedola ena'ö fehede ma be'elö nifa'ema mufaudugö ba zomasi zamondrongo ma ba zo tema'ö


106. Sökhi tö wanou'ö sökhi tö wa me, tumbu nono gae mbanua sa wöli-wöli
     Lösökhi tö wanou'ö lö sökhi tö wa me, tumbu nono gae mbanua ni kabi wewe
     Eluahania: be'elö silö faudu ba tola adudu zi no muhonogöi ma fahasara dödö zato


107. Ta bagi-bagi wa'aukhu ta faosa wogikhi manu
     Eluahania: amaedola halöwö nilului wohalöwö


108. Ta fa mözi garamba gamao böi ta bulö-bulö ba hagu
     Eluahania: amaedola mbu'u-bu'u wehede si tebai la bulö-bulö'ö


109. Talö igo'ö-go'ö danö-tanö nia
     Eluahania: niha so lo'ö amuata zatua nia


110. Ta sawö zinata mbawa namada ba tebai ta sawö zinata mbawada
     Eluahania: amaedola wa zazita sabe'e


111. Tawuwu mba'u-mba'u tafoe gondrekhata huku föna, niröi furi lö moguna'ö, tafuli ba mböwö sa wuyu-wuyu
     Eluahania: amaedola fangomasi'ö


112. Tefengo nono gae si lö mu'ofaya, elumu döwua si lö mu'erai
     Eluahania: amaedola wa matunö ngaötö ni olembai numönö


113. Tenga alifa aekhu tou ba taba mbawa
     Eluahania: amaedola zo'ömö tenga ni osamuzaigö wa mu'a


114. Tenga gulo iteu mbagi nia
     Eluahania: amaedola niha sanguma'ö sisökhi ba nalö ihalö niha ba ilulu sa'ae


115. Togeha-geha ni'osö aro na nitou'ö manö
     Eluahania: amaedola niha satua-tua ba sangila


116. Tufoi mbeweu bulu lato ha tö muhede'ö
     Eluahania: angeraigö ua ha tö muhede'ö


117. Undru ba la'izu ta faoma ta ndrundru mbua nawöda
     Eluahania: fehede ni fo'amaedola fangandrö fa ebolo dödö ba lala zumange


118. Uwu zahakhö ziöli uwu zanöi nono mbawi
     Eluahania: amaedola zanguri mbawi


119. ôda mbulu geu gölia öda mbulu geu danö, tafaoma tabunu galitö ba wu, he gae lö murino he idanö lö mu'ukhugö
     Eluahania: fehede ni fo'amaedola ba wa mua'ö lala zumange


120. ô'ila zoi ö'ila zua ba lö ö'ila zongenge nasua
     Eluahania: niha sangila fa'aila niha bö'ö ba saila ia lö i'ila

Peribahasa Nias atau amaedola li nono niha untuk keluarga yang mengalami kemalangan

1. Ena'ö na si mate ni halö nemali, si mate ni halö mbaloho
   So zanörö bawa duwu-tuwu, so zanörö eno'o nomo
   So zofanö lö balatu, so zofanö lö toho
   Hewisa me inötö khö zo'aya
   I'ewa döwu nia na no anau, i'obö gae nia na asoso


2. Esö-esö haombi taha, esö-esö hao kuri
   Ba dödö madadao dalinga, ba dödö mudadao duho


3. Hulö humede mburu'u kökö, hulö mu'ao waru-waru lökhö
   Ba mbörö humöngö-höngö alawa luo döhö manö


4. Mate duha mbasi atua duha mboli
   So wehede nia bali-baliu zi so furi


5. Mate nama mbö'ö ifaudugö mbawa lökhö, mate namagu ifaudugö mbawa deu
   Eluahania: amaedola ni oguna'ö ba wamaola sumange


6. No fahuku lauru mböna, no mangoroi he nga'afo
   Aheta ba mbagi zimate tofali ba mbagiu sauri
   Eluahania: mene-mene ba ndraono sanohugö moroi furi


7. Ono fangali mbörö sisi, ono fangali mbu'u kawono
   Samatohu götö-götö samatohu hulayo


8. Tenga amagu zimate, amagu zihede-hede